Tuesday, April 28, 2009

International Company, Bookkeeper


Workshop Dili Auto Service, 2 positions for Secretary, Deadline 29 April 2009


Trócaire, Finance and Administrative Staff, Deadline 30 April 2009

JOB TITLE:Ofisiar Finansa no Administrasaun
FATIN:Dili, Timor-Leste
DEPARTMEN:International Department
LORON: 20 April 2009

Igreja Katólika Irlandia nian mak har’ii rócaire núdar organizasaun ba tulun dezenvolvimentu sosial. Trócaire la halao projetu rasik. Organizasaun ne’e halao ninia knaar liu hosi organizasaun lokal. Ami buka hela Timor oan ba servisu iha ami nia kantor iha Dili. Ami servisu ho ami nia parseirus hodi halao programa rua iha Timor-Leste – dezenvolvimentu rurais no mos hamenus konflikto.

Hanoin baziku kona ba knar ne’e:
Trocaire serbisu tiha ona hamutuk ho staf iha Timor-Leste nia laran hahu tinan 2007. Trocaire serbisu liu hosi parseiru lokal sira. Trocaire la implementa projeitu sira direitamente. Agora dadauk ne’e ami serbisu hamutuk ho organizasaun lokal liu 15 iha Timor Leste nia laran konsentra ba sustentavel vida lor-loron nian no hari’i pas.

Trocaire desentraliza ti ona manajementu finanseira ba ofisiu sira iha Asia do Sul. Ofisiu sira ne’e presiza staff ne be iho esperensia ho finansa atu maneje sira nia osan ne’ebe gastu ba aktividades, osan kantor nian, relatorio finansas no mos hodi suporta no halo monitorisasaun ba prosesu finansa parseiru sira nian. Administrasaun kona ba prosesu edifisiu no sistema sira mos sai hanesan aspektu ida hosi serbisu ne’e.

Hatan ba: Asistente Manejer Rejional, iha Dili

Durasaun kontratu: Tinan ida

Nivel no skala: Pozisaun nasional bazeia ba skala salariu INGO

Serbisu fatin: Dili, Timor-Leste no dala ruma la’o ba distritu sira.

Knaar atu halo:

Pozisaun ne’e sei involve iha serbisu hametin sistema sira finansial nian, halo planu, no halo monitoring ba osan sira ne’ebe sirkula iha nasaun laran. Hatebes (memastikan) katak iha transparensia no kontabilidade finansial tuir prosedur sira ne’ebe iha hodi hala’o serbisu tomak tuir xave serbisu ne’e nian. Pozisaun ida ne’e mos involve iha finansial hosi loron ba loron no hatebes funsionamentu administrasaun ofisiu. Pozisaun ne’e sei liga regular ho Ofisiar Finansa Rejional nian.

Knar no responsabilidade:

Finansa:• Mantein didiak numeru (jumlah) osan no pagamentu sira.
• Simu kuitansi/ resibu sira, verifika dokumentu sira, no prepara pagamentu sira ne’ebe mak husu atu aprova.
• Tulun staf hodi prepara no fahe osan viajen sira ne’ebe hetan tiha ona aprovasaun
• Hasai osan tuir lolos orsamentu ida-idak nia lina operasaun no nia doasaun sira.
• Arkivu didiak dokumentu sira kona ba osan no sasan tuir ida-idak ninian.
• Hafoun nafatin osan nia regista no halo relatoriu orsamentu fulafulan.
• Fo tulun ba ofisiariu sira programa nian atu hafoun nafatin parseiru nia relatoriu sira kona ba orsamentu, verifika tranzasaun sira, no kria mekanismu ruma atu parseiru sira bele hadi’a sira nia sistema finanseira no kontabilidade.
• Hatebes katak staf no parseiru sira sei kumpri no halo tuir Trocaire nia politika finanseira.


Administrasaun:
• Tau matan ba serbisu sira lor-loron nian iha ofisiu.
• Fo tulun ba Asistente Manejer Rejional hodi hala’o nia serbisu.
• Halo tuir nafatin prosedur sira ne’ebe iha atu nune’e knar ofisiu nian la’o diak.
• Dezenvolve forma no prosedur foun sira ne’ebe presiza.
• Halo preparasaun ba enkontru sira no eventu sira seluk Trocaire nian.
• Hatebes katak edifisiu ho nia ekipamentu sira iha kondisaun diak no seguru, presiza hadi’a no taumatan didiak nafatin.
• Halo tuir lolos regra sira administrava nian ba buat sira ne’ebe selu karun.
• Trata visa ba staf sira ne’ebe hosi rai/ nasaun seluk.
• Halo ligasaun ho ofisiu sira seluk ne’ebe mak relevante.
• Husu ka selu uluk (booking) tiket sira ba viajen internasional.
• Hala’o mos funsaun sira seluk ne’ebe relasiona ho knar sira ne’ebe mak ofisiu presiza.

Knar seluk tan:• Kuidadu no rai didiak nafatin segredu sira ne’ebe relasiona ho organizasaun nia serbisu.
• Halo ligasaun ho Ofisiu Rejional koba assuntu finanseiru no relatoriu sira.


Kriterius – Tenke iha

Esensial:
• Esperensia minimum serbisu tinan rua iha finansa iha organizasaun non-gouvernmental ka iha esperensia ba finansa tinan rua hosi organizasaun privadu ruma.
• Akaba kursu iha universidade ka kolejiu hosi area finansa, kontabilidade, ka relasaun ho area ne’e.
• Iha kuinesementu kona ba komputeriza sistema sira kontabilidade nian, spreadsheets no mos programa database ne’ebe standar.
• Iha kuinesementu kona ba kontabilidade, prokuramentu, kontrola no manejementu finansial ba osan projetu sira nian ne’ebe mai hosi donor.
• Hetan konfiansa maka’as, iha objetividade no honesti/ laran mos.
• Fleksibilidade, iha kapasidade atu resolve problema, iha kapasidade serbisu iha situasaun mudansa struktura no iha presaun nia laran.
• Koalia no hakerek Tetun diak/mos.
• Minimal Ingles nivel baziku – koalia no hakerek.
• Iha kapasidade atu serbisu nu’udar parte hosi tim / ekipa ida.
• Iha kapasidade halo planu no hanoin ne’ebe proativu.

Presiza liu ema ne’ebe mak:
• Iha esperensia serbisu ba organizasaun ruma ne’ebe bazeia ba igreja.
• Koalia no hakerek Bahasa Indonesia diak.
• Koalia no hakerek Ingles diak.


Atu hatama applicasuan tenke :
1) Hakerek surat ida ba explika tamba sá Ita-bot hakarak núdar kandidatu diak ba kaer servisu ne’e
2) Haruka CV kona ba kandidatu ninia esperiénsia importante liu ba servisu ida ne’e. Favor ida fo detail/informasaun espefiko kona ba actividades Ita-bot halo iha servisu uluk. Labele fo geral deit.
3) Fo referensias toulu (informasaun hosi ema ne’be konhese Ita-bot nia hahalok/servisu ti ona) .

Favor hatama surat hirak ne’e iha eskritóriu Trócaire nian, iha CRS nia kotuk, iha Rua Dom Aleixo Corte Real, Fomentu. Labele husik surat ne’e iha CRS nia eskritóriu.

Loron ikus liu ba hatama surat ba servisu ne’e: 30 Avril 2009, tuku hat lokraik (4:00 pm).

Aviso kona ba ema ne be hetan intervista: 1 May 2009, tuku hat lokraik (4:00 pm).

Intervista la’o: 5 May 2009

CARE, Data Entry Clerk, Deadline 30 April 2009